Гомуммәктәп ата-аналар җыелышы
23 октябрьдә, көзге каникуллар алдыннан, Ханжин П.С. исемендәге Тәтеш 1 нче урта гомуми белем бирү мәктәбендә "Укучыларның хокукый грамоталылыгын, тормыш иминлеген формалаштыру» дип исемләнгән гомуммәктәп ата-аналар җыелышы узды.
Әлеге җыелыш мәктәп администрациясе һәм ата-аналар Берләшмәсе тарафыннан оештырылды, барлык сыйныфларның ата-аналар комитеты чакырылды. Җыелышта планлаштырылган сораулар алдагы каникулларга бәйле рәвештә актуаль булып тора. Ата-аналар алдында Тәтеш муниципаль районы прокуроры урынбасары Ш.М. Мурзин чыгыш ясады, ул укучыларның ата-аналары белән балигъ булмаганнар арасында хокук бозуларны кисәтү темасына әңгәмә үткәрде һәм балаларның җинаять һәм административ җаваплылыгы турында сөйләде. Моннан тыш, Шамил Марс улы ата-аналарга чит затларның балаларга тискәре йогынты ясау куркынычын киметергә ярдәм итәчәк кагыйдәләр турында сөйләде. Россия Эчке эшләр министрлыгының Тәтеш районы буенча Дәүләт автоинспекциясе юл-патруль хезмәте инспекторы Сәгъдиев Л.Р. ата-аналарны Татарстан Республикасындагы юл-транспорт һәлакәте турындагы статистик мәгълүматлар белән таныштырды. Аннары юл аркылы чыгучы җәяүлеләр өчен юл хәрәкәте кагыйдәләренә, куркынычсыз юл кагыйдәләренә җентекләп тукталды.