Келәш мәдәният йорты хәбәр итә

2025 елның 31 октябре, җомга

Имин юл хәрәкәтен булдыру максатында Келәш мәдәният йортында урта яшьтәге мәктәп балалары өчен “Юл законнарын хөрмәт ит!” дигән уен-викторина үткәрелде.

Мәдәният хезмәткәрләре юл хәрәкәте кагыйдәләренең барлыкка килү тарихы белән таныштырдылар, аларны үтәүнең мөһимлеген аңлаттылар. Ул кагыйдәләр автомобиль йөртүчеләр өчен генә түгел, ә җәяүлеләр өчен дә икәнлеген ассызыкладылар. Балалар викторина сорауларына дөрес җаваплар бирделәр, табышмакларга җаваплар эзләделәр. Чарада катнашучыларга “Балалар, юлларда тәртипле булыгыз!” дигән белешмәлекләр таратылды, алар юлларда күңелсезлекләр булдырмауда булышырлар дип ышанабыз.