4 ноябрь Тәтеш муниципаль районы мәдәният хезмәткәрләре делегациясе «Безнең йорт – Татарстан» халык иҗаты Республика этномәдәни фестиваленең Халыклар бердәмлеге көненә багышланган Гала-концертында катнашты. Чара Муса Җәлил исемендәге Татар дәүләт академия опера һәм балет театрында (Казан шәһәре) узды.
«Шусам» чуваш халык ансамбле (Тәтеш районы мәдәният йорты, җитәкчесе Алена Старостина) «Безнең йорт – Татарстан» Республика этномәдәни фестивалендә катнашканы өчен лауреат дипломы белән бүләкләнде.