Нармонка мәктәбе хәбәрләре

2025 елның 10 ноябре, дүшәмбе

Россия Федерациясе Эчке эшләр органнары хезмәткәрләрен искә алу көне кысаларында Нармонка  мәктәбе директорының тәрбия буенча киңәшчесе А.С. Игнатьева батырлык дәресе үткәрде.
Бу  әңгәмә барышында бурыч, намус, гаделлек, җаваплылык һәм Ватанга тугрылык кебек мөһим темалар каралды. Эчке эшләр органнарында хезмәт итү – ул эш кенә түгел, ә кешедән батырлык, үз-үзен кулда тота белү һәм фидакарьлеккә әзерлек таләп итә торган бурыч булуга аерым игътибар бирелде.
Дәрес азагында укучылар һәлак булганнарны бер минут тынлык белән искә алдылар.