Тәтеш шәһәре А.А. Соколвоский исемендәге 2 нче урта гомуми белем бирү мәктәбе хәбәр итә
Инвалидлар декадасы кысаларында А.А. Соколвоский исемендәге 2 нче урта гомуми белем бирү мәктәбендә тәрбия эше штабы җитәкчелегендә мәктәп укучыларының Бөтенроссия сукырлар җәмгыяте вәкилләре белән очрашуы булды. Чарада түбәндәге кунаклар булдылар:
• Деревенская Екатерина Николаевна, Бөтенроссия сукырлар җәмгыятенең җирле бүлекчәсе рәисе;
• Әбелханов Хәбир Дамир улы, белгеч.
Очрашу барышында кунаклар укучыларга күрү сәләтен югалткан кешеләрнең көндәлек тормышы турында җентекләп сөйләделәр. Укучылар сукырларның нинди кыенлыклар белән очрашуын һәм аларның әйләнә-тирә дөньяга ничек җайлашуын белделәр.
Сукыр кешеләргә көнкүрештә ориентлашырга ярдәм итә торган махсус җайланмаларга аерым игътибар бирелде. Балалар бу җайланмаларны күреп кенә калмадылар, алар белән эшләп тә карадылар.
Шулай ук очрашуда катнашучыларга күрү сәләте бозылган кешеләрнең иҗади эшләре күргәзмәсе күрсәтелде. Укучылар сукыр осталар ясаган кул эшләнмәләрен кызыксынып карадылар.
Очрашу Брайль шрифты белән басылган китаплар белән танышу белән тәмамланды. Балалар сукырлар өчен уку ничек оештырылганын практикада белергә һәм берничә символны укып карарга мөмкинлек алдылар.
Чара укучыларга күрү сәләте начар булган кешеләрнең тормыш үзенчәлекләрен яхшырак аңларга мөмкинлек бирде һәм мөмкинлекләре чикләнгән кешеләргә карата толерантлы мөнәсәбәт формалаштыруга ярдәм итте.
.jpg)
