Талантлы кеше һәрнәрсәдә талантлы!
Соловьева Полина- “Ханжин П.С. исемендәге Тәтеш 1 нче урта гомуми белем бирү мәктәбе”нең укучылар Советы рәисе, “Беренчеләр хәрәкәте” активисты, волонтер, "Объектив" Медиаүзәгенең баш сценаристы - "Россия турында сөйлә: безнең заман герое" Бөтенроссия аудио һәм видеоподкастлар бәйгесенең беренче туры җиңүчесе.
"Яшьләр һәм балалар" милли проектын, "Иң яхшысы- балаларга" подпроектын гамәлгә ашыру кысаларында Полина "Алдашмый торган көзге" аудиоподкастын яздырган. Аның педагогына багышланган бу эше бөтен Россия буенча күпсанлы эшләр арасыннан сайлап алынган. Киләсе этап - икенче тур 26-28 февральдә Мәскәүдә үтәчәк. Полинага уңышлар телик, чөнки ул аңа көн саен кирәк, хәзерге вакытта ул район делегациясе составында биология буенча Бөтенроссия олимпиадасының төбәк этабында катнаша.