Урюм авылы мәдәният йорты хәбәр итә

2014 елның 14 декабрендә, Урюм авылы мәдәният йортында Килдеш, Киртәле, Жуково, Кошки-Новотимбаево, Яңа Льяшево Пүчинкәсе һәм Урюм авыллары мәдәният хезмәткәрләре катнашында “Күтәренке күңел” дип исемләнгән концерт булды. Кичә программасында җырлар, шигырьләр яңгырады һәм шаян сәхнәләштерүләр күрсәтелде. Барлык тамашачыларны үзләренең моңлы тавышлары белән әсир иттеләр: Елена Карпова, Анжелика Карягина, Ирина Николаева, Сергей Ефимов, алар башкаруында шулай ук күңелле җырлар да яңгырады. Җыелучылар, Антонина Еркина һәм Лидия Бачкова дуэты күрсәткән шаян күренешләрдән рәхәтләнеп көлделәр. Концерт программасын искиткеч итеп Наталья Борисова һәм Анатолий Байдеряковлар алып барды. Әлеге күңелле кичәне оештыручыларга рәхмәт сүзләре белән авыл җирлеге башлыгы Юрий Михайлович Малькин чыгыш ясады. Шулай ук авыл халкы да талантлы артистларга олы рәхмәтләрен җиткереп кайнар алкышладылар.