Җиңделәр!!!

14 декабрь көнне, Буа шәһәрендә, Татарстан Ресчпубликасы урта һөнәри белем бирү учрежденияләрендә белем алучы яшьләр арасында, мини-футбол буенча Икенче Спартакиаданың зона ярышлары булып узды. Турнирда алты команда катнашты. Җиңүне, техник һәм тактик яктан грамотлы уен күрсәтеп Тәтеш педагогика көллияте футболчылары яулады. Алар бик җиңел һәм тиз Чүпрәле районы һәм якташ авыл хуҗалыгы техникумы командаларын оттылар. Ярым финалда шулай ук оста итеп Буа медицина училищесы командасын да тар-мар иттеләр. Зона турнирының бизәге – Буа ветеринария техникумы командасы белән финал очрашулары булды. Капитан һәм команда лидеры Романов Вадим беренче тайм уртасында исәпне ачып җибәрде. Бу минутларда капкачыбыз Фарход Наими үзенең чын мәгънәсендә осталыгын күрсәтте, ул берничә сэйв ясап буалыларны исәпне тигезләү мөмкинлегеннән мәхрүм итте, ә алмашка чыккан Тимур Афанасьев, үзенең баш бирмәслеге һәм үзсүзлелеге белән икенче тайм уртасында уен барышын тигезләргә ирек бирде. Техник яктан иң көчле уенчыбыз Ратманов Дмитрий бер туп та кертә алмады, бик матур кертәсе килсә дә Тимур Афанасьев та штангага эләкте. Төп вакыт тәмамланырга өч минут кала, көндәшләр капкачысы һәм штанга арасында бушлык табып Вадим Романов, безнең файдага исәпне арттырып гол кертте. Җиңү ноктасын Афанасьев Тимур куйды, соңгы минутта төрле әйләнечләр ясап, капкачы белән ике көндәш уенчыны алдалап буш капкага туп типте. 3:0 исәбе белән җиңү һәм белем бирү учрежденияләре арасында Татарстан Республикасы Икенче Спартакиада финалына юллама безнеке булды.
Турнирда команда өчен чыгыш ясадылар: капкачы Мингилёв Петр, кыр уенчылары: иң яхшы һөҗүм итүче Рахматуллин Эмиль, Демченко Анатолий, Шәмсетдинов Роман, Сидоров Валерий һәм Насыйбуллин Алмаз. Команда тренеры физик тәрбия бирү һәм Тормыш иминлеге нигезләре кафедрасы мөдире В.И. Кулаженков.
Футболчыларны һәм аларның тренерларын җиңү белән котлап, аларга агымдагы семестрларын уңышлы гына ябуларын һәм педагогика көллиятен төрле дәрәҗә ярышларда лаеклы тәкъдим итүләрен теләп калабыз.