Зур Әтрәч китапханәсе хәбәр итә

25 апрельдә Зур Әтрәч китапханәсендә  “Тукай иленә сәяхәт”,-  дип аталган  әдәби  уен  узды. Кичәнең  максаты  Тукайның  тормыш  юлы  һәм  иҗатын  кабатлап,  балаларда  аның иҗатына  мәхәббәт  уяту.

Шул  нисбәттән  китапханәче  Хайруллина  З.И.   “Татар  әдәбиятының  кояшы”,- дип аталган  китап  кургәзмәсенә  күзәтү  ясап,  балалар  өчен  язган  китаплары  белән  таныштырып  узды.

Тукай  иҗатына  сәяхәтне  “Ядкярләрдә  -Тукай  рухы”  китабы  белән  дәвам  иттек.  Чөнки  аның  шигырьләре  татар авлларының иң  караңгы почмакларына  кадәр  барып җиткән  һәм халык  күңеленең  иң нечкә  кылларын  тибрәткән.

Тукай – барлык  буыннарга  да бер үк  дәрәҗәдә  кадерле шагыйрь.  Аның  “Су анасы”  сабыйларны  татлы  курку  белән шомландыра, мәктәп балалары “Туган тел”ен көйли, ә өлкәннәр: “Баш имә – зур син – бу әдна җанлылар дөньясына; Падишаһ син! бик кирәксә, баш исен дөнья сиңа”,- дип кабатлый.