Халыкара толерантлык көне

2022 елның 17 ноябре, пәнҗешәмбе

Халыкара толерантлык көне ел саен 16 ноябрьдә билгеләп үтелә. Толерантлык турында сорау хәзер игътибар үзәгендә. «Толерантлык» төшенчәсен балалар гына түгел, өлкәннәр дә төрлечә кабул итә, ләкин балаларга толерантлык нәрсә икәнен аңлау бик мөһим. Бу датага район китапханәләре берничә чара үткәрделәр.

Үзәк китапханә хезмәткәрләре урта мәктәп укучылары өчен " Толерантлык - нәрсә ул?» дип исемләнгән информация сәгате үткәрде.

Чинчурин авылы китапханәсендә кече яшьтәге мәктәп укучылары өчен «Без – бер ил гражданнары» толерантлык сәгате үткәрелде, анда катнашучылар «толерантлык»,«интолерантлык» төшенчәләренең асылын белделәр, толерант кешеләрнең сыйфатлары турында фикер алыштылар. Балалар мәкальләр һәм әйтемнәр аукционында катнашты.

Урюм китапханәсендә «Милли аермаларга хөрмәт» дигән темага актуаль диалог үткәрелде. Чарада бер-берсенә игелек, хөрмәт һәм йолалар турында сөйләштеләр.

Жуково авыл китапханәсендә «Толерантлык-тынычлыкка юл»  дип исемләнгән  китап күргәзмәсенә күзәтү ясалды. Күргәзмә укучыларны «толерантлык» төшенчәсе белән таныштыра, башкаларга карата ихтирам һәм игелекле мөнәсәбәт тәрбияләргә ярдәм итә.

Олы Әтрәч китапханәсендә өлкән сыйныф укучылары өчен «Толерантлык – тынычлыкка юл» дигән мәгълүмат сәгате үтте. «Толерантлык» төшенчәсе, аның килеп чыгышы, мәгънәсе белән танышу, укучыларга проблемаларны тыныч юл белән чишү мөһимлеген аңларга мөмкинлек бирде.

Олы Шәмәк авылы китапханәсендә «Толерантлык-тынычлыкка юл» дигән түгәрәк өстәл артында әңгәмә булып узды. Бу датаның барлыкка килү тарихы һәм толерант аралашуның төп кагыйдәләре белән таныштылар.