«Яшел ут» балалар юл-транспорт травматизмын профилактикалау конкурсына йомгак ясау

2024 елның 26 марты, сишәмбе

Тәтеш шәһәренең «Колосок» балалар бакчасы базасында балалар юл-транспорт травматизмын профилактикалау буенча «Яшел ут» республика конкурсының район этабына йомгак ясалды.

Конкурста районның 7 мәктәпкәчә учреждениесе һәм 5 педагог катнашты. Барлык катнашучылар да балалар, ата-аналар һәм җәмгыять белән юлларда куркынычсыз тәртип кагыйдәләрен өйрәтү буенча эш тәҗрибәсе тәкъдим иттеләр.

Жюри карары белән урыннар түбәндәгечә бүленгән:

тәрбиячеләр арасында:

• 3 урын – Артемьева Светлана Николаевна, Тәтеш шәһәренең «Березка» балалар бакчасы тәрбиячесе;
• 2 урын - Земкова Ольга Геннадьевна, Тәтеш шәһәренең «Рябинушка» балалар бакчасы тәрбиячесе;
• 1 урын – Лабутина Ләйсән Рәфис кызы, Тәтеш шәһәренең «Рябинушка» балалар бакчасы тәрбиячесе.

мәктәпкәчә учреждениеләр арасында:

• 3 урын — Тәтеш шәһәренең «Березка» балалар бакчасы;
• 2 урын — Тәтеш шәһәренең «Әкият» комбинатлы төрдәге балалар бакчасы;
• 1 урын – Тәтеш шәһәренең «Рябинушка» бакчасы һәм Тәтеш шәһәренең «Колосок» балалар бакчасы.