Олы Тархан авылы мәдәният йорты хәбәр итә

2024 елның 8 июле, дүшәмбе

7нче  июль  көнне Олы Тархан авыл җирлеге мәдәният хезмәткәрләре «Безнең дус гаиләбез! ", дип исемләнгән Гаилә, мәхәббәт һәм тугрылык көненә багышланган  квест-уен үткәрделәр.

Катнашучылар бәйрәм тарихына сәяхәт ясадылар, билгеләр һәм традицияләр белән таныштылар, православие изгеләре Петр һәм Феврония турында легенда ишеттеләр, бәйрәм символы булып ак ромашка Россиядә иң танылган һәм яраткан чәчәк тора икәнен белделәр.Гаиләләр бергә ял итү һәм гаилә бәйрәмнәрен үткәрү турында сөйләделәр. Ике командага бүленеп төрле уен  станцияләрендә ярыштылар.

Гаилә һәм гаилә кыйммәтләре турында сорауларга җавап бирделәр, иҗекләрдән мәкальләр төзеделәр, табышмакларны чиштеләр, Ромашка яфракларына гаилә бәхете рецептын яздылар. Бу биремнәрне үтәү барышында гаиләләр үзләренең бердәмлеген, тапкырлыгын, җитезлеген, артистлыгын һәм фантазиясен күрсәттеләр.

Барлык катнашучылар да яхшы кәеф белән тулыландылар һәм онытылмаслык тәэсирләр алдылар.