11 август Тәтеш муниципаль районы делегациясе Казанда төшерелгән «Кәмит Җәвит» тапшыруын яздыруда катнашты.
Тапшыруның нигезенә борынгы татар традициясе - капка янында утыру салынган. Тапшыруны тиңдәшсез алып баручы, җырчы, юморист, Татарстан Республикасының халык, Башкортстанның атказанган артисты Җәвит Әхмәтгали улы Шакиров алып барды. Программада катнашучылар кызыклы тарихлар, мәзәкләр сөйләделәр, җырлар һәм такмаклар җырладылар.