Тәтеш шәһәре А.А. Соколовский исемендәге 2 нче урта гомуми белем бирү мәктәбе хәбәр итә
Тәтеш шәһәре А.А. Соколовский исемендәге 2 нче урта гомуми белем бирү мәктәбенең тәрбия буенча киңәшчесе Гүзәл Саматова — Татарстан Республикасы делегациясе составында «Тәрбиянең яңа фәлсәфәсе» Халыкара форумында катнашты!
Чара 2025 елның 28 ноябреннән 1 декабренә кадәр Мәскәүдә «Россия» милли үзәгендә узды. Форумга Россиянең 89 төбәгеннән һәм Байконур шәһәреннән 1600дән артык катнашучы җыелды.
Чарада тәрбия буенча директор киңәшчеләре, «Балачак навигаторлары» проектының төбәк һәм муниципаль координаторлары, актив мәктәп укучылары, ата-аналар җәмгыяте вәкилләре, агарту һәм патриотик эшчәнлек белән шөгыльләнүче махсус хәрби операция остазлары һәм ветераннары катнашты.
Өч көн дәвамында педагоглар һәм остазлар стратегик сессияләрдә, тематик очрашуларда һәм панель дискуссияләрдә катнаштылар.
Форум кысаларында яңа тәрбия фәлсәфәсе Кодексын — 2025 ел дәвамында үткәрелгән масштаблы эш нәтиҗәсе булган документны тәкъдим иттеләр.
Шунысын да билгеләп үтәргә кирәк, быел Форум беренче тапкыр халыкара статус алды — актив катнашучыларга Абхазия Республикасы, Көньяк Осетия Республикасы һәм Днестр буе Молдова Республикасы педагогик берләшмәләре вәкилләре кушылды.
Без Балачак навигаторлары/ Тәтеш командасы вәкиленең әлеге мөһим вакыйганың бер өлеше булуы белән горурланабыз!
Мондый форумнарда катнашу - иң яхшы тәҗрибәне үзләштерү мөмкинлеге генә түгел, ә заманча тәрбия системасы үсешенә үз өлешеңне кертү мөмкинлеге дә ул.
Чараны Россия Федерациясе Мәгариф министрлыгы ярдәмендә «Россия балалар-яшүсмерләр үзәге» ФДБУ оештырды.