Марат Әхмәтов Татарстанның Тәтеш муниципаль районында чәчү эшләренең барышын бәяләде

17 май көнне Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов безнең районның язгы кыр эшләренең барышы белән танышты.

Тәтеш муниципаль районында министр, район Башлыгы Рәмис Сафиуллов белән кырларны карап чыкканнан соң, авыл хуҗалыгы предприятиеләре җитәкчеләре, крестьян-фермер хуҗалыклары башлыклары белән очрашты.

Авыл хуҗалыгы предприятиесе җитәкчеләре белән исәнләшеп, Марат Готыф улы бергә эшләгән вакытларны искә алды һәм, һәрвакыттагыча, дусларча мөгаләмәдә эшлекле сөйләшүгә күчте.

– Чәчүне төгәлләдек диярлек, чәчү җирләренең бер гектарына көзге исәп белән уртача 70 килограмм тәэсир итүчән матдә кертелде, – дип белдерде Рәмис Сафиуллов. 

– Иң яхшы уңыш Тәтеш районында булырга тиеш, – дип мактау сүзләре әйтте министр – чәчүлекләрне карауны һәм үсемлекләрне саклауны кайгырттыгыз, шул исәптән сездә җитәрлек күләмдә явым-төшем дә яуды. 

Районда бик күп эшләр башкарылуын да билгеләп үтте. Игенчелек культуралары бик югары һәм сөрү җирләре дә күп. Чәчүлекләрне караганда, пар кырларында эшләгәндә, аларны чисталыкта тоту һәм дымны саклау буенча да әлеге торышны шулай тотарга кирәк.

Марат Әхмәтов сату өчен 120 мең тонна бөртекле товар җитештерү бурычын куйды. Районда чәчү мәйданнарын, шикәр чөгендере җитештерү күләмен арттыруны һәм югары табыш китерүче культуралар белән шөгыльләннүне хуплады. Шул исәптән, тәтешлеләргә терлекчелек продукциясен җитештерүне дә арттырырга кирәк. Киләчәктә аграрийларның дәүләт ярдәменә килгәндә, Марат Готыф улы раслаганча, шәхси ярдәмче хуҗалык һәм микрофермалар ярдәм белән тәэмин ителәчәкләр. Моңа республикада 350 миллион сум акча бүленгән. Авылларга ярдәм итү программасының барсы да эшли. 

Район Башлыгы Марат Әхмәтовка аңлаганы һәм районның авыл хуҗалыгы производстволарын үстерүдәге булышлыгы өчен рәхмәт белдерде. – Безнең язмыш бер – авыл хуҗалыгын үстерергә һәм киләчәктә лаеклы булырга. Сезнең проблемалар – минем проблемалар һәм аларны бергәләп хәл итәчәкбез, – диде республиканың төп аграрие, хушлашканда.

Министр шулай ук терлекчелек продукциясен җитештерүне арттыру буенча да эшләрне тиешле дәрәҗәдә башкарырга өндәде.